ربت على كتفه
-روح انت شوف شغلك ومتشغلش بالك من مشاكلنا انت..تحرك وهو يحادثه
-لا بعد إذنك لازم ارجعها النهاردة، متنساش دعاء ومامتها هيتغدوا معانا النهاردة
أومأ له بتفهم ثم جلس وهو يزفر بغضب
وصل بدر بعد قليل إلى منزل خالته
صباح الخير ياخالتو
-صباح الخير يابدر..اتجه يبحث بعينيه على والدته
-ماما فين مش باينة؟!
تهكمت وأشارت للداخل
-ليه هاني باشا مش عايز يتكرم ويجي ياخدها.. تأفف بضيق من حديثها ثم استدار إليها
-ليه هو بابا غلط فيها!!سحب نفسا ثم زفره مقتربا منها
-عقلي اختك يانجوى هانم لو واحد تاني غير بابا صدقيني كان طلقها من زمان اوي، واظن حضرتك فاهمة معنى كلامي..قاطعهم دلوف لميس
-بدر وحشتني، انت هنا من إمتى ..وضع يديه بجيب بنطاله واتجه لوالدتها مردفًا بسخرية:
-من ساعة ؛بس نجوى هانم كانت بتحكي عن إنجازاتها ..قالها وتحرك للداخل
وصل إلى والدته التي كانت تجلس تشاهد إحدى المجلات التي تحتوي على أشهر الماركات
انحنى يطبع قبلة على رأسها
-صباح الخير ياماما
-صباح الخير يابدر..رفعت بصرها تطالعه بحزن
-اوعى تقول إنك جاي ترجعني البيت، باباك رفض مش كدا
جلس بمقابلتها يضع ساقا فوق الاخرى، وبدأ يدخن سيجاره
-ماما حبيبتي انا مش فاضي لشغل العيال بتاعكم دا، نهال هانم اكيد كبرت على شغل العيال، انحنى ينظر إليها بمقلتيها
-ممكن تعرفي ابن حضرتك هنا ليه؟!
تراجع يتكأ بظهر مقعده وهو يطالعها بحزن
-بابا بيحاول يسعدك بأي طريقة ياماما، بلاش تحكماتك دي، وطلباتك ال مبتخلصش
اتجهت نجوى تجلس بجوار نهال
-ليه مامتك طلبت ايه يابدر، ايه يعني لما حاجة تعجبها ويجبها، هي الست تعرف جوزها بيحبها الا من الهدايا
حك ذقنه وطالع خالته بنظرات غامضة، ثم أجابها
-غلط ياخالتو، مش الهدايا ال بتعبر عن الحب..ضيق عيناه متسائلًا:
-إنما جوز خالته فين؟! تلفت حوله وتصنع البحث عنه، ثم مط شفتيه
-لا شكله مسافر كالعادة..وصلت لميس بعد إنهاء مكالمتها، ثم جلست بجواره
-ماأنت عارف بابي شغله كتير، انت ناسي إنه سفير
اومأ برأسه وهو يقف
-ماما اجهزي يلا، نظر بساعة يديه، ثم أردف :
-عندي معاد مهم..
استدارت بوجهها وتصنعت الغضب قائلة:
-أنا مش راجعة، وخلي باباك مبسوط ..قوست لميس فمها وأردفت:
-خالتو حبيبتي التنازلات بتعمل إهمالات، بدر مش عارف زعل الست بيأثر على حالتها النفسية إزاي
تنهد تنهيدة طويلة خرجت من بين شفتيه مع شبح إبتسامة هازئة
-بقولك يالميس أنا هنا المحامي مش إنتِ ابدا، محدش قالك تقولي مبررات، ثم اتجه إلى والدته، ومازال غضبه على أفعالها
-هتيجي معايا ولا لأ..نهضت واتجهت بأنظارها إلى اختها
-خلاص يانجوى هروح معاه، ماهو مش هفضل قاعدة عندك طول الوقت
أمسكت لميس كفيه
-بدر كنت عايزاك في موضوع مهم
نزع كفيه بهدوء
-بعدين يالميس، مش فاضي
مرت الأيام إلى أن أتى موعد حفل زفافه
-يعني ايه ياعمو دعاء مش موجودة..جلس هشام والد دعاء بحزن
-آسف يابدر أنا ضغطت عليها عشان توافق عليك، كنت مفكرها مع الأيام هتنسى وتقدر تتعايش معاك
هزة عنيفة أحرقت جسده، فلم يشعر بنفسه وهو يضغط على الكوب الذي بيديه ليتهشم، وينغرز زجاجه بكفيه
ربت والده على كتفه قائلًا:
-غلط ياهشام، ازاي قدرت تعمل كدا، هنطلع نقول للناس ايه، العروسة هربت
اتسعت عيناه وهو يتخيل حديث البعض عنه، مما جعله يشعر بتوقف الدم بعروقه، وهو يهز رأسه
-لازم تيجي ونتمم الفرح قدام الكل، وبعد كدا نطلق، انا مستحيل ارضى بواحدة زيها تكمل معايا، بس لازم الفرح يتم..قالها بفظاظة ونيران تخرج من عينيه الى هشام
توقف هشام يستند على الجدار
-دعاء هربت مع السواق بتاعي، أصلها كانت بتحبه
دارت الأرض تحت قدميه، وشعر ببرودة تجتاح جسده، أطبق على جفنيه بقوة متألما
-أيعقل إنها فضلت عليه ابن السائق، وهو الذي أحبها وأخلص بحبه، لماذا فعلت به ذلك
رفع نظره لوالده وهو يقاتل بضراوة ألم يفتك بأنحاء صدره من حديثه، فهمس بتقطع
-يعني وافقت تتكتب على اسمي وهي بتحب واحد تاني
اقترب من هشام وتحول وجهه لفوهة بركانية يريد أن ينفجر ويدمر كل شي
-بنتك كانت على اسمي وبتخوني، ازاي قدرت تعمل كدا، انت عارف هي عملت ايه، دي خانت جوزها، والخيانة عندي الموت
شعر هشام بالاختناق، فقام بفك رابطة عنقه فيما شعرببرودة جسده
صاح هاني باسمه عندما وجد شحوب وجهه وتحوله للون الأزرق، دقائق ونقل بالاسعاف إلى المشفى
بعد فترة بغرفته بأحد الفنادق
-هنزل ألغي الحفلة وأعتذر من الناس..نهض بجسد ينازع الحياة فلقد جُرحت روحه ونزفت ولم يعد الرجوع للخلف خطوة فأشار لوالده قائلا:
-الفرح هيتعمل يابابا، انا ممكن معرفتش اختار..
-إنت بتقول إيه يابدر
-أنا كلمت لميس بنت خالتو، وبعتلها فستان وشوية هننزل ونكمل الفرح ولا كأن فيه حاجة حصلت من الأساس، رفع نظره إلى والده
-ال يبعني يابابا احرقه، قالها واتجه لمرحاضه
خرج من شروده على صوت مديرة مكتبه
-الأجتماع بدأ يااستاذ بدر
اومأ برأسه، وارتدى نظارته الطبية متجها لغرفة الأجتماعات
بعد ساعة بالمشفى وخاصة بمكتب رهف
غفت على مقعدها بسبب إرهاقها، دلفت إليها إحدى الممرضات
-دكتورة رهف، عثمان باشا جاله حالة تشنجات ودكتور أسامة في العمليات ..تحركت سريعا متجهة إلى غرفته، وجدت حالته خطيرة يتنفس بصعوبة، وتوقف بنبضات القلب، اتجهت لجهاز الصدمات، بعدما حاولت إنعاش قلبه عدة مرات ولكنه لم يستجب، قامت بحقنه ببعض الأبر لحالته، ولكن لم يستجيب
فركت الممرضة كفيها بإرتياب، حاولت معه ولكن كأنه فارق الحياة منذ لحظات، دقائق ودلف ذاك الثور الهائج
-عملتي ايه في جدي؟!
جحظت عيناها تنظر اليه بغضب، بدخول الطبيب المسؤل عن حالته، قام بالكشف عليه، ثم رفع نظره الى بدر متأسفا:
-البقاء لله يابدر..شعر وكأن الأرض تدور به فتراجع خطوة يغرز عيناه بعين الطبيب
-يعني ايه البقاء لله دي، مش العملية نجحت، ازاي مات فجأة، هنا قاطعتهم الممرضة
-هو قالي عايز دكتورة رهف، وبعدين هي جت فضلت شوية وخرجت وبعد شوية سمعت صوت الانذار
اتجهت رهف إليها بعينين مذهولتين
-إنتِ بتقولي ايه يابنتي، مش انت ال قولتي دكتور أسامة في العمليات وتعالي شوفيه، ولما جيت لقيته قاطع النفس
لونت الصدمة تقاسيم وجهه اتجه للطبيب وقال بلهجة صارمة
-عايز أعرف جدي مات ازاي يادكتور بدل مااقفلك المستشفى دي
جذبها متحركا للخارج وهي تتعثر بخطواتها، سحبها يضغط على رسغها بقوة آلامتها…حاولت جذب ذراعها من يديه بقوة ولكنه كان الأقوى
دفعها بقوة بسيارته، وقام الأتصال بصديقه:
تعالى على المستشفى فورا، صاحت بغضب
-انت واحد مجنون، انا معملتش حاجة، ولا قربت من جدك
لم يعريها اهتمام..فصدره كبركان متصاعد الحمم، كلما تذكر أن تلك الفتاه ماهي الا ابنة عدوه،
تحرك بسرعة جنونية وهي تنكمش بجلوسها ورغم خوفها الا أنها تحاول السيطرة على نفسها حتى لا يرى ضعفها، وصل إلى أحد الأماكن الخاصة به بعروس البحر المتوسط، وصل لذاك الشالية، جذبها بقوة متجها الى الشالية، ودفعها بقوة داخله
-هتفضلي هنا لحد ماارجعلك، وحياة رحمة جدي لأخلص كله منك ومن ابوكي المجرم، طلعتوا عيلة كلها مجرمة، انحنى ينظر لموج بحرها
-كنت بحاول أقنع نفسي انك غيره، لكن للأسف دم فاسد
تحركت إلى أن وصلت أمامه، وصاحت بغضب
-أنا مقتلتش جدك، افهم بقى، انت انسان حقير مغرور
صفعة على وجنتيها حتى شعرت بتخدرها، ثم جذبها من خصلاتها بعدما ألقى حجابها على الأرضية، جذبها يهمس لها بهسيس
-اقسم بالله لاخليكي تتمني الموت ، قالها ثم دفعها بقوة حتى سقطت متأوهة على الارضية، ثم خرج كالمارد بعدما أغلق عليها ذاك المكان
جلست تبكي بحرقة
-“لا إله إلا أنت سبحانك إني كنت من الظالمين”
“اللهم أخرجني من ضعفي إلى قوتك”
يااارب قالتها بقلب ينزف داخليا..وصل بعد قليل كالمجنون إلى المشفى، وجد عدد كبير من الصحفيين
تحرك الكثير يحاصرونه
-حقيقي الأخبار ال وصلتنا جد حضرتك توفي استاذ بدر، لم يلتفت لأحد منهم، وتحرك سريعا متجها للداخل
وجد كريم صديقه مع طبيبه
-وصلت لأيه..نزل الطبيب رأسه للأسفل بأسف
-جدك واخد حقنه هوى ومسحوب منه الأكسجين للأسف
صدمة أصابته حتى حول جسده لنيران مستعيرة تريد إلتهام كل شيئا كما تلتهم النار سنابل القمح ..كور قبضته بعنف وهو يزأر كالأسد
-اقسم بالله لأندمه أشد الندم، اتجه بنظره الى الطبيب
-مش عايز أي مخلوق يعرف أن جدي مقتول سمعتني، قالها وتحرك للخارج
بمنزل رهف
ظلت كوثر تتحرك بالردهة ذهابا وايابا، ياترى روحتي فين يارهف لحد دلوقتي وليه تليفونك مقفول ..دلف مروان يحدق بها
-خير ياماما واقفة كدا ليه؟!
-ايه ال اخرك كدا يااستاذ مروان، هو فيه حد يرجع من الجامعة متأخر كدا يابني
تحرك متأففا وهو يلوح بكفيه
-مش بتزهقي ياماما
جلست لبعض الوقت، خرج مروان وهو يحتسي قهوته
-ماما مالك انا رجعت ليه قالبة كدا
-اختك لسة مرجعتش يامحترم، والساعة داخلة على اتناشر
هز رأسه مستاءا وأردف:
-هي مش صغيرة ودي دكتورة ممكن يكون عندها عملية أو كشف و فونها فصل شحن مش حاجة يعني
نهضت وهي تهز رأسها رافضة حديثه:
-لا مهما يحصل بتتصل وتعرفني عشان مقلقش..لا الموضوع ميطمنش، هي سافرت اسكندرية الصبح علشان ينهوا العيادة مع نسمة، نسمة قالت هي راحت شغلها وقالت هتعدي عليها ومارحتش، معرفش ليه اصرت على اسكندرية، ياترى أنتِ فين يابنتي
عند رهف
جلست على المقعد تضم جسدها بيديها بسبب برودة الجو، تحركت تبحث عن هاتف، ولكن لم يوجد حرارة، اتجهت تبحث في الشاليه عن شيئا يساعدها على التدفئة ..استمعت إلى صوت الرعد ورأت ضوء البرق بالخارج..وضعت كفيها على أذنيها بسبب ارتفاع صوته
وصلت إلى المطبخ وبحثت بعينيها عن شيئا تفتح به باب الشاليه، أمسكت تلك السكين وحاولت ولكن محاولاتها باتت بالفشل
ضربت أقدامها تسبه وتصرخ
-بدرررر، وحياة ربنا لاعرفك ازاي تعمل فيا كدا
مسحت على وجهها :
-ياترى ماما عاملة ايه دلوقتي، امي ممكن تموت فيها
وقفت مكبلة الأيدي ومغلولة التصرف
جلست على المقعد بعدما انتابها الفشل وانسابت دموعها
عند بدر
ظل يصيح بغضب بالأطباء
-ازاي مستشفى كبيرة زي دي جدي يتقتل فيها
اتجه إلى جده المسجي على الفراش، خانته ساقيه فهوى بجواره وانسابت دموعه رغما عنه، بدأ جسده يرتعش وكأن الهواء ينسحب من رئتيه، الألم الذي يشعر به الآن يجفف الدماء من العروق
احتضن كفيه وتحدث بحزنًا:
-كنت قوتي ياجدي، ليه تسبني دلوقتي، ياما حذرتك من عيلة المحلاوي، فضلت تمثل عليك البراءة لحد مااتمكنت واتعلقت بيها، بس وحياة غلاوتك عندي لاندمها هي وابوها، جه الوقت ال الكل لازم ياخد حقه
لا إله إلا أنت سبحانك إني كنت من الظالمين
الفصل الثالث
يقول جلال الدين الرومي
لا تنزعج إذا انقلبت حياتك رأسًا على عقب، فكيف تعرف أن الجانب الذي اعتدت عليه أفضل من ذلك الجانب الذي سوف يأتي
كان يقف بقامته القوية ورغم قوته الا أن ملامحه لم تخلو من الحزن على فقدان جده، فالفقد أصعب شعور يمر على الأنسان
وقف كريم بجواره يتلقى عزاء عثمان القاضي، اتجه ببصره يطالع نظراته الغامضة من تحت نظارته السوداء يفحص بها الجميع
-مالك يابدر؟!
أخرج نفسًا طويلًا يعبأ به رئتيه عندما شعر بغصة مؤلمة
-مفيش، عايزني اعمل ايه وجدي ميت مقتول
انكمشت ملامح كريم وهو ينظر بين الوجوه وتسائل:
-بدر إنت ناوي تقتل الدكتورة ولا إيه
رفع نظره متهكما وأجابه بإستخفاف:
-ليه حد قالك انا قتيل قتلة ولا إيه!!
زم كريم شفتيه معترضا ثم تحدث:
-ليه قولت إن جدك مات موتة طبيعية يابدر، وناوي على إيه
حك ذقنه ثم نهض عندما وجد مالك المحلاوي يدلف بجوار أحد رجال الأعمال الفاسدة، الذين كان لهم الحق الأكبر من الفرحة بموت والده قديما
تحرك المحلاوي بجوار صديقه الذي يدعى عزت البنا
-البقاء لله يااستاذ بدر..قالها مالك المحلاوي والد رهف
أومأ بدر رأسه دون حديث..تحرك الاثنان وجلسا بمقابلته لبعض الوقت..ظل العزاء قائما لعدة ساعات
بمنزل مالك المحلاوي
هاتفت كوثر والد رهف زوجها
-مالك رهف من إمبارح مارجعتش للبيت..هب فزعا من نومه وتسائل:
-يعني إيه ياكوثر، كلمتيها يمكن عندها شغل في المستشفى
انزلقت عبراتها
هي راحت اسكندرية علشان المجمع الطبي اللي شاركت فيه
-كلمتها فونها مغلق، ورحت المستشفى هنا ، قالوا محضرتش امبارح، انا قلقانة هموت عليها من الرعب
نهض من فوق الفراش وهو يصرخ بها
-جاية بعد ايه تشتكي، ياما قولتلك بلاش شغل بنتك دا، وشوفي نتيجة شغلها وتأخيرها
ردت عليه بحدة وقهر:
-بنتي دكتورة بتعمل واجبها، مش معنى انا بقولك يبقى البنت عملت حاجة خارجة، انا بعرفك بصفتك ابوها يامالك بيه
قالتها ثم أغلقت الهاتف بغضب..أنهت الاتصال وجلست بحزنًا شديد:
قلبي وجعني عليكي يابنتي، ياترى إيه اللي حصل معاكي..غطت وجهها بكفيها وانفجرت ببكاء حار
-حبيبتي يابنتي..هزت رأسها وتحدثت
-لأ ..مش هفضل قاعدة كدا
حاولت استجماع شجاعتها واتجهت إلى قسم الشرطة
وصلت بعد قليل توقفت أمام المسؤل عن مكتب الضابط
-عايزة أقابل الظابط عشان اعمل محضر
هز رأسه وتحدث
-هبلغ حضرة الظابط، دلفت للداخل وجدت ابن صديقتها
-أيوب ..انت هنا!! اتنقلت القاهرة ولا إيه
ابتسم أيوب وتوقف
-طنط كوثر، وحشتيني ..ربتت على ظهره عندما اتجه إليها ليحيها بالسلام ..أشار إليها اتفضلي استريحي
جلست أمامه وهي تنظر حولها بضياع، دقق النظر بها، ثم تحدث متسائلا:
-خير ياطنط كوثر، فيه مشكلة
ارتعشت عينها ثم أطبقت على جفنيها تمنع عبراتها فأردفت:
-رهف..نهض من مكانه واتجه يجلس بمقابلتها
-مالها رهف!!
تنهدت بوجع وترقرقت عيناها بالدموع
– رهف مرجعتش من امبارح، المفروض راحت اسكندرية ومعرفش عنها حاجة
هز رأسه منتظر باقي حديثها، رفعت بصرها إليه
– معرفش عنها حاجة
قطب جبينه متسائلا:
-يعني ٱيه مرجعتش من إمبارح ياطنط ..انسابت عبراتها تزيلها بكف مرتعش، وتحدثت:
-خرجت وقالت عندها شغل لتسعة وبعد كدا هتعدي على عبادتها الخاصة، سألت قالوا مجتش المستشفى ولا راحت العيادة حتى صاحبتها مشفتهاش
قام بطلب عصيرليمون إليها
-اتفضلي اشربي واحكيلي كل حاجة وان شاءالله هنلاقيها
عند بدر بالأسكندرية
بعد انتهاء العزاء اتجه إلى منزله..وقف لثواني بالخارج ينظر لتلك الفيلا التي تشبه القصور العصرية، فهي كفاح جده ووالده، رغم بعدها عن الأماكن الراقية الحديثة، إلا أنه لم يتركها، ولم يفكر في العيش بمكان آخر
دلف للداخل وجد والدته بجوار خالته وابنتها التي تعد طليقته..زفر بغضب ورغبة جامحة لديه الأختلاء بنفسه، لا يريد محادثة احدًا
اتجهت والدته إليه، توقفت أمامه قائلة:
-بدر اخيرا جيت، كان ايه لزوم العزا دا كله
تنهد بعمق في محاولة لأستجماع رباطة جأشه، فهو في حالة لا تجدي للنقاش، أخرجته لميس طليقته
-معرفش ليه الحزن دا كله، هو كبير يعني كفاية عليه السنين دي كلها
هنا اشتعل نيران غضبه، وصل إليها بخطوة واحدة وكاد أن يخرج نيرانه المشتعلة بها، إلا أن والدته توقفت أمامه
-بدر هي متقصدش، هي زعلانة على حزنك بس، مش كدا يالميس..اتجهت لوقوفه ورفعت كفيها على صدره
-أنا خايفة عليك من الحزن حبيبي، متنساش الزعل وحش
أما جدو عثمان والله زعلت عليه..بتر حديثها وهو يرمقها شزرا، وبأنفاسًا تهدر بعنف:
-اياكي تقربي مني، ثم دفعها بقوة على والدته وصعد إلى غرفته..كان غاضبا حد الألم وكعادته صارم متجهم الملامح ثابت الخطى، يتجاهل ألمه ببراعة، تحرك إلى غرفته دون إضافة شيئا آخر
احتدت نظراتها وهي تتابع تحركه ..جزت على أسنانها وهتفت بغضب:
-ماشي يابدر، انا هعرفك مين هي لميس المغربي
دلف إلى غرفته، ألقى جاكتيه بإهمال واتجه إلى المرحاض، خرج بعد قليل وهو يلتف بمنشفة على خصره ..استمع إلى رنين هاتفه، رفعه وهو يمرر كفيه بخصلاته
-أيوة ياكريم !!
-بدر عملت إيه مع الدكتورة..ألقى بجسده على الفراش وقام بإشعال تبغه
-ولا حاجة،لسة مرحتش عندها من وقت مااخدتها
حاول كريم السيطرة على إنفعاله حتى لا يغضبه، فسحب نفسا وتحدث:
-والدتها راحت المستشفى بتسأل عليها، لسة الدكتور أسامة معرفني، وفيه حاجة كمان يابدر، الممرضة أنا مش. مرتحلها
تجهمت ملامحه بإعتراض ثم أجابه:
-ممكن مالكش دعوة بموضوع بنت المحلاوي، يعني مش هتبقى شبه اختها..تأفف بضجر وحسم أمره ثم تحدث بنبرة حزينة:
-كريم أنا تعبان ومش قادر اتكلم في حاجة دلوقتي..عايزك بكرة تنزل نعي في كل وسائل التواصل الاجتماعي لجدي
تنفس بتثاقل وكأن هناك مايطبق على صدره ، فهناك شعور قاس يفترس قلبه دون رحمة للحد الذي جعله يضع كفيه على صدره، فتحدث بوجع :
-كدا معدش ليا حد من بابا ياكريم، تنهد وسحب نفسا يزفره بهدوء ثم أردف:
-هنام دلوقتي وبكرة نتقابل ..أغلق الهاتف وجذب بنطاله وارتداه سريعا ملقيا نفسه ليذهب بسبات عميق متناسيا تلك البريئة التي جلست بذاك الشاليه ترتعد رعبا من أصوات الرعد والبرق التي تعلو بسماء الأسكندرية
دلفت إلى إحدى الغرف،حيث يتميز ذاك الشالية بغرفة بالطابق العلوي بحماما واحد، وبالاسفل غرفة ومطبخ وحمام، وصلت للطابق العلوي، قابلتها رائحته التي اشعرتها بإرتباك معدتها بسبب الجوع..مكثت فوق الفراش بشق الأنفس تتقلب على وهج جمرات حارقة تحبس أنفاسها..نهضت من مكانها وانسابت عبراتها بعدما شعرت باليأس، أصبحت كطائر كُسر جناحه، ولم يعد له القدرة على الطيران
-ماما..همست بها وهي تطبق على جفنيها بعنف، حتى كادت بتمزيق جفنيها كلما تذكرت حزن وقلق والداتها ليها
هوت على الأرضية الباردة تضم ركبيتها إلى ساقيها تحاوطها البرودة من كل مكان، ورغم برودة الطقس الا أن غضبها وآلامها فاق احساسها بما حولها
ظلت لبعض الوقت بمكانها كما هي إلى أن شعرت بإرتجاف جسدها كاملًا، حتى وصل إلى إرتعاشه..نظرت لذاك الفراش الذي يحمل رائحته، ثم نهضت واتجهت تجلس فوقه، رغم شعورها بالغثيان من رائحته التي تحاوطها
جذبت ذاك الغطاء الوثير الذي يوضع على تلك الصوفية، وحاوطت نفسها به حتى تشعر بالدفء بعدما ارتجف جسدها من البرودة، ظلت جالسة تدعو الحي القيوم
“لا إله إلا أنت سبحانك إني كنت من الظالمين”
ظلت ترددها إلى أن غفت بمكانها من شدة إرهاقها، يومين كاملين لم تراه ولا تعلم لماذا هي هنا، هل ألقى عليها تلك التهمة الشنعاء وجعلها مجرمة دون اللجوء لدليل
استيقظت بعد فترة تشعر بالتعب والارهاق الشديد، فتحت عيناها مستندة بجسدها على ظهر الفراش، مسحت على وجهها، نهضت للمرحاض بعدما تذكرت ماصار معها، تشعر بإنقباض روحها، اتجهت للمقابلة الحي القيوم، توضأت وبحثت على سجادة، الأغرب إنها وجدت سجادة للصلاة بذاك المكان، أيعني أنه يصلي، أيعني أنه يعلم حدود الله
بالأسفل وصل لذاك الشاليه، دلف للداخل يبحث عنها
صعد للأعلى سريعا عندما وجد السكون يعم المكان، تسمر بوقفته وهو يراها تستنجد بالحي القيوم وتبكي بشهقات وهي تدعوه بقلبا ينزف
اتجه للأسفل ينظر للمكان حوله، وجد تلك الأشياء المتناثرة بكل مكان، أنهت صلاتها وجسلت تقرأ وردها اليومي في خشوع، تحركت تفتح النافذة تنظر الى شروق الشمس، ولكن وجدت السماء ملبدة بالغيوم وكأن حالها سيمر اليوم مثل أمس
استمعت إلى حركة بالأسفل، ارتجف جسدها، هبطت بحذر تبحث بعينيها عن مصدر الصوت، استمعت إلى صوته يتحدث بهاتفه وهو يعد قهوته
-خد معاد مع مالك المحلاوي، لازم كل واحد ياخد حقه، شعر بوجودها، فأنهى مكالمته واستدار إليها
-يارب نكون أسعدنا حضرتك
حاولت الحديث ولكن لم تقو بسبب ضعفها وعدم تناولها للطعام
جلست وهي تطالعه بصمت، اتجه يجلس بمقابلتها يضع ساقا فوق الأخرى ثم تحدث
-ليه قتلتيه، عملك ايه؟!
تراجعت بجسدها تفرك جبينها ثم رفعت نظرها إليه
-أنا مش هسكت، وهقدم فيك بلاغ، دا مش اسلوب، ازاي تتهمني كدا من غير دليل، وازاي
رفع سبابته إليها ونظرات جحيمية فكل الأدلة تشير إليها،
نهضت وهي ترمقه بغضب
-شكلك من الناس المريضة
هب من مكانه فلقد نجحت وبجدارة أن تخرج شياطين الجحيم بداخله، جذبها من رسغها يضغط عليها بقوة
-انتِ ازاي دكتورة، ازاي تكوني بالتمثيل دا
رفعت نظرها تتألم من مسكته الفولاذية، رفرفت اهدابها محاولة السيطرة على نفسها وألا تضعف أمامه
-أنا مقتلتوش، ليه مش عايز تصدق ..دفعها بقوة وأشار بسبابته قائلا بنيران تخرج من مقلتيه :
-مش عايز كلام كتير، فيه شهود بتقول انك قتلتيه بالحقنة ال اخدها
نهضت واتجهت إلى باب الشالية متحدثة بغضب
-انت انسان ظالم ياحضرة الافوكاتو،
-اسمعيني كويس، انا مبحبش اكرر كلامي، دي ورقة فيها استدعائك والقبض عليكي بتهمة القتل، وكمان شوفي صور ابوكي المحترم دا واخوكي الفاشل
ودي ورقة جواز، انا مبحبش اغضب ربنا، هتقبلي اي ورقة معاكي وبراحتك
شعرت ببرودة تجتاح جسدها فهتفت بتقطع
-حبس وجواز، هزت رأسها
-طب ليه، انا بقولك انا مقتلتوش
نظر إليها بسخرية :
-اثبتي!!..خانتها عبراتها
-اتسجن ولا اتجوزك
مط شفتيه ونصب عوده متجها إليها
-براحتك..فيكي تمشي دلوقتي..ذهلت من رد فعله البارد ، فدنت منه
-إنت ليه بتعمل معايا كدا، انا عملتلك إيه؟!
جذبها من رسغها يهمس بفحيح:
-ابوكي سرق حياتي، سرق ضحكتي من الدنيا، انا كنت ناوي اخليه عبرة لمن لا يعتبر، وانت جيتي سرقتي روحي كملتي عليا، ونهيت اجمل حاجة حلوة كنت بستمد منها قوتي، ودلوقتي قدامك اربع ساعات واسمع ردك النهائي
روحي اسألي والدتك، باباكي عمل ايه في صديق عمره، أشار عليها بمقت
-الظاهر الأنسة كانت صغيرة اوي، لدرجة مش فاكرة ماضي ابوها القذر دلوقتي غوري من وشي
استدارت تتحرك بخطوات مهتزة ودموعها تفرش طريقها
فتحت الباب وتحركت للخارج مذهولة من عدم منعه لها، ظل بمكانه وأخرج تبغه ينفثه، ثم همس لنفسه:
-هندمك يادكتورة، اتلقي وعدك معايا
وصلت بعد فترة إلى منزلها ..قابلتها والدتها بالعناق
-ياحبيبتي كنتي فين بقالك يومين..تحركت بخطوات هزيلة وألقت نفسها على المقعد
-ماما عايزة ارتاح ولما افوق هحكيلك، حاليا مش قادرة اتكلم في حاجة
استمعوا الى صوت طرقات على باب شقتهما، دلفت الشرطة
-فين الدكتورة رهف المحلاوي
نهضت من مكانها متحركة الى الضابط
-أنا رهف ..في ايه؟!
حضرتك مطلوب القبض عليكي في قضية قتل
صرخت والدتها تضرب على صدرها
-قتل، متهمة..هزت رهف رأسها وتحدثت:
-محصلش..تحدث الضابط قائلًا:
-لو سمحتي يادكتورة، اتحركي معانا من غير شوشرة
استدارت لوالدتها وعيناها تحجرت بالدموع، فهمست لوالدتها:
-ماما انا معملتش حاجة، اتصلي ببابا..جذبها الشرطي من ذراعها، تحركت معه وكأنها تتحرك على نيران تحرق أقدامها..وصلت بعد قليل، ودلفت متمثلة أمام الضابط
-احجزها يابني لحد ماوكيل النيابة يجي..ضيقت عيناها بذهول
-وكيل نياية،انا هتعرض على وكيل نيابة من غير حتى تحقيق
طالعها بغموض ثم أردف:
-من الأفضل تشوفي محامي كويس، شكلك متوصي عليكي
بفيلا مالك المحلاوي
خاصة بغرفة انجي، تتحدث مع صديقتها بالهاتف
-أيوة شوفته حلو اوي يانهى، بس شكله مغرور بس الغرور لبقله
ضحكت صديقتها عليها ڤاردفت
-جده مات، شكله مش هيحضر الحفلة ، نهضت تنظر لنفسها بالمرأة وهي تخرج ثيابها وتنظر بها
-ليه بس كدا دا انا بعد لليوم اللي هقابله
صمتت صديقتها فترة فأردفت:
-طيب ماتشوفيه في الكلية، هو اصلا استاذ القانون في كلية الحقوق
دارت بفستانها واجابتها
-فكرت في كدا يابنتي، بس هروحله بصفتي إيه، انا مش في حقوق
ظلت صديقتها صامتة للحظات فأردفت:
-ايه رأيك نعمل صدفة بيه، يعني نشوف مواعيده ونرتب لكدا
-اووووه..ياس يانهى برافو عليكي..انا دلوقتي لازم أخرج عندي مشوار هخلصه وهكلمك بعدين
– مشوار ياانجي، مش مقابلة لسايكو هيثم
قهقهت وتحدثت:
-اهو اتسلى لحد مااشوف سكة لبدر القاضي..باي باي
بقسم الشرطة
دلفت كوثر إلى القسم تسأل عن الضابط المسؤل..دلفت إليه
-كنت بسال عن بنتي جابوها من شوية ..
-بنتك إسمها ايه؟!..تسائل بها الضابط
الدكتورة رهف مالك المحلاوي ..وصل مالك ودلف سريعا ينظر الى زوجته
-رهف مالها، وقضية ايه دي؟!
توقف الضابط أمامهما
-بنت حضرتك متهمة في قضية قتل عثمان القاضي، وهتتعرض على النيابة
صدمة نزلت فوق رؤوسهم كالصاعقة..ترنحت كوثر بالوقوف تهز رأسها بالنفي
-مستحيل بنتي تقتل مستحيل، دلفت رهف بأقدام متراخية بجوار العسكري الذي أردف:
-المتهمة يافندم..رفعت والدتها ذراعيها تحتضن ابنتها التي بكت بقوة
-ماما أنا بريئة والله العظيم ماقتلته..مسحت والدتها دموعها
-مصدقاكي ياحبيبتي، اتجهت بنظرها للضابط
-ايه ادلتك أن بنتي هي ال قتلته ..ابتسم الضابط بسخرية وأجابها:
-الشهود يامدام، غير هي اخر واحدة كانت مع المتوفي
هزت رهف رأسها وتحدثت:
-مش حقيقي وحياة ربنا ماحصل
تحرك مالك إليه
-أشوف أدلتك ياحضرة الظابط انا محامي، ثم تسائل:
-مين ال قدم البلاغ
-حفيده ومحامي.. بدر القاضي ..أطبقت رهف على جفنيها تدعو ربها بسريرتها
“اللهم اني مغلوب فانتصر”
اتجه إلى مكتب بدر القاضي
بداخل الحجز جلست تضم ساقيها، تطبق على جفنيها بألمًا، لماذا يحدث معها ذلك
استغفرت ربها، ودمعة غادرة نزلت عبر وجنتيها، أخرجت تنهيدة
-يارب..قالتها بقلبا عاجز، ولسان ثقيلا..ثم استندت على الجدار منتظرة القصاص من الحاكم العادل
بمكتب بدر..دلف إليه مالك المحلاوي
بدر باشا..عامل ايه حضرتك
لم تهتز له عضلة وظل يرمقه بثبات
-أنا مش باشا ولا حاجة يااستاذ مالك، انا اسمي الاستاذ بدر القاضي، يمكن حضرتك نسيت أننا كنا في وقت من الأوقات الاستاذ وتلميذه
جلس مالك وابتسم بسخرية قائلا:
-كويس انك لسة فاكر، انك الطالب، وأنا الاستاذ
اشعل بدر سيجاره وأشار بكفيه
-اه طبعا هو دا يتنسي،زي ماحضرتك كنت طالب عند جدي، وأول ماحبيت تضرب ضربته في ابنه
هب من مكانه
-بدر بنتي برة المشاكل ال بينا، انت عارف ومتأكد أن البنت بريئة …نفث تبغه وأشار بكفيه
-أثبت، مش إنت محامي، اثبت بنتك بريئة، صدقني أنا ماليش دخل، القضية المحامي اللي بيتصرف فيها
انحنى وغرز عيناه بمقلتيه:
-في يوم من الأيام كان فيه محامي شريف، وعنده ولد نسخة من والده، لكن هناك معدومين ضمير دمروا المحامي وابنه
ضرب مالك بكفيه بقوة على سطح المكتب
-بنتي تخرج يابدر والا إذا
ضحك ضحكة مستهزئة، ورغم رفضه لمبدأ التهديد الا أنه تحدث:
-هتعمل ايه هتموتني، طب مابنتك هموتها وكله بالقانون
نهض يضع يديه بجيب بنطاله وأشار له
-بص يامالك يامحلاوي ، مش معنى اني رضيت بحكم القانون، يبقى نسيت حق ابويا، بس انا مش بحب ألوث أيدي بالدم، وانت مسبتنيش في حالي، لا روحت وبعت بنتك تقتل جدي، مكفكش موت بابا،
أشار بسبابته بغضب فلقد أخرجه عن هدوئه
-هخلص منك حقهم يامالك يامحلاوي
نظر إليه مالك نظرة مرعبة وأشار له
-أنا ماليش دعوة، ولا دلوقتي ولا زمان، افهم يابن هاني انا مش قذر كدا ودلوقتي لازم تتنازل على القضية وتشوف مين قتل جدك بعيد عني
هز كتفه :رهف المحلاوي
-هشوف يابن القاضي..قالها وهو بيضرب بكفيه على سطح مكتبه
خرج وخطوايه تاكل الأرض
عند رهف بالحجز ..كانت تستند على الجدار وهي تشعر بالتعب والأرهاق الشديد، الذي جعلها تحس بالدوار ..وضعت رأسها على ركبتيها وانسابت عبراتها بصمت حتى اغشي عليها، وتم نقلها لمشفى السجن
بعد يومين
وصل والدها إلى الحجز، وظل يبحث عن حثيثيات القضية، حاول الوصول لتلك الممرضة ولكن كأن الأرض انشقت وابتلعتها بعد شهادتها ضد ابنته
بمنزل رهف
تجلس بغرفة ابنتها، تقوم بأداء واجبها إتجاه ربها، جلست على مصلاها، تتجه للواحد القهار
-ربي لقد مس ابنتي الضر، فأنت ارحم الراحمين، اللهم اني استودعك ابنتي
استمعت إلى رنين جرس منزلها، خرجت العاملة
-مدام كوثر موجودة
-نقولها مين يافندم
-بدر القاضي..خرجت كوثر بعد دقائق معدودة تطالعه بصمت ثم أشارت إليه بالجلوس
-اتفضل يابدر، أنا روحتلك قالولي مسافر..نادت على العاملة
-شوفي الاستاذ يشرب إيه
-متشكر مش محتاج حاجة..طالعته بغموض وأردفت:
-مينفعش حضرتك في بيتنا، لك واجب الضيافة
-خلاص هاخد قهوة سادة
سحب نفسا وطرده بهدوء ثم تحدث:
-أنا آسف حدث لبس في الموضوع، انا جاي أقول لحضرتك المحامي ميعرفش رهف بنت حضرتك، وكنت هزور حضرتك من فترة لكن تعب جدي أجل الموضوع، هروح حالا أخرجها من الحبس
ابتسمت كوثر بسخرية
-والتمن يااستاذ بدر
-تمن!! تقصدي ايه حضرتك، انا مش قصدي أن أذي الدكتورة، أنا ماليش الأذى، رغم جوز حضرتك آذاني كتير، ورغم كدا انا جايلك واتمنى توافقي
كانت نيران صدرها مشتعلة بسبب ماحدث لأبنتها، طالعته بهدوء
-حضرتك جاي تساومني على براءة بنتي، وانت متأكد انها بريئة وكدا مبتحبش الأذى
رسم ابتسامة واردف بهدوء:
-أنا مكنتش اعرف إنها هي،توقفت كوثر
-لا عارف يابدر، وبدل نسيت العيش والملح يبقى مينفعش بينا الكلام
أشار بكفيه وأردف بهدوء محاولا السيطرة على ألا يغضبها
-طنط زينب أنا مش بايدي حاجة أعملها، لو كنت اعرف انها بنتك مكنتش قدمت البلاغ
نهضت زينب تطالعه بصمت للحظات ثم تسائلت:
-إنت جاي ليه يابدر؟!
عايز ايه ياريت تدخل في الموضوع على طول
تلعثمت الكلمات بحلقه وطافت عينيه يمينًا ويسارًا فتحدث بخفوت:
-جاي أطلب ايد الدكتورة
توسع بؤبؤ عيناها مشدوهة من طلبه
-جاي تطلب ايد بنتي المحبوسة بسببك
اخذ يملئ رئتيه بالأكسجين الذي يحتاجه حتى يستطع التنفس عندما وجد نظراتها النارية إليه، فتوقف بمحاذاتها
-طنط كوثر لازم تعرفي حاجة واحدة، انا مكنش قصدي أبدا نوصل لكدا، انا معجب برهف أول ماشفتها، وزي ماقولت لحضرتك انا كنت هجي اطلب ايديها
-بنتي مدانة يابدر، بيقولوا الأدلة كلها ضدها
هز رأسه نافيا
-اعتبريها خرجت من الحبس
-وياترى مش دي الأدلة ال جاي تساومني على جوازها عشان تطلعها براءة ..سحبت نفسا وزفرته بهدوء، واتجهت تجلس على المقعد وتحدثت:
-أنا موافقة يابدر بس بشرط..رفع نظره إليها منتظر حديثها
-بنتي تطلع النهاردة قبل بكرة، غير تطلع في الوسائل تبرأها، دا شرطي الأول ..أما شرطي الثاني والأهم رفعت نظرها إليه تنظر بمقلتيه
-هي توافق عليك، يعني تتجوزك بإرادتها، أما لو رفضت يبقى كل واحد اخد حقه…نهضت واتجهت إليه
-اوعى تاخد رهف بذنب ابوها يابن القاضي، خليك عادل وشوف جميع الاتجاهات، قولتها زمان لوالدك وبقولهالك دلوقتي
-انا وبنتي برة لعبتكم دي
تنهد ساحبًا نفسًا محاولا السيطرة على أعصابه حتى يقنعها..سحب كفيها واجلسها
-طنط كوثر، مش هخبي عليكي، انا كنت متجوز بنت خالتي، ومتفهمناش، وأنا دلوقتي عايز اعمل عيلة، وطبعا مش أي واحدة هربط اسمها بإسمي، انا اتذكر حضرتك كويس، وجدو دايما كان يشكر فيها، والصراحة هي جذبتني، وسألت عليها عرفت انها بنت حضرتك، وكنت ناوي اجي اتقدملها، بس حصل ظروف واضطريت أسافر ورجعت بعد موت جدي واللي حصل، ودلوقتي هروح النيابة علشان سوء الفهم، ومعايا الدليل، متنسيش انا كنت محامي
جلست متنهدة براحة، وتحدثت:
-بتمنى يابني، اشوف بنتي جوا حضني وبعد كدا نشوف ايه اللي هيحصل
خرج متحركا متجها إلى النيابة ..امسك هاتفه وهاتف صديقه
-كريم البنت الممرضة، تجيبها النيابة وقت مااكلمك
قالها واغلق الهاتف