القاضي المتهم بقلم سيلا وليد

اتجه إليها وجلس بجوارها
-إنتِ عارفة لو كسبت القضية دي هاخد كام..نهضت منتصبة بوقفتها وربعت ذراعها
-لو ميت مليون يامالك، الراجل دا سمعته وحشة، وشغله مشبوه، غير عدواته مع صديق عمرك هاني القاضي ، انت ناسي بلاويه مع هاني

كاد أن يتحدث، أشارت بسبباتها
-ولادي مش هدخل عليهم قرش حرام سمعتني يامالك، احنا مش هنعيش على موت الناس، الراجل دا لازم يتحاسب، ومتنساش هاني يامالك
كتم غيظه من اتهاماتها محاولا السيطرة على أعصابه فأردف:
-لو زي ما بتقولي كدا كان زمان الحكومة قفلت مصانعه وسجنوه..
زوت مابين حاجبيها قائلة بإستنكار:
-اومال هو فين دلوقتي مش مسجون..سحبت نفسا قويا وتحدثت بهدوء:
-أنا عارفة انا بتكلم من غير دلائل بس اقنعني يامالك ماهو مفيش دخان من غير نار، والراجل دا من زمان وأعماله كلها مشبوهة، لو سمحت يامالك احنا مش محتاجين نكون في موقف شبهة، ولا ندخل على ولادنا فلوس بدم الناس، وبعدين هتوقف قدام صاحب عمرك، ناسي هاني بيحاربه
ظل صامتا وكأنه يفكر بحديثها، فتحدث بعد لحظات من الصمت قائلًا:
-خلاص ياكوثر، هبعد عن القضية حاضر، وهكلم عز

ذات مساءً بإحدى الشقق
كان يتمدد على الأريكة، يغفو فوق ساقيها
-وبعدين يامالك؟!
-يعني هترفض القضية زي ماكوثر عايزة
سحب نفسا قويا، وزفره ببطء معتدلا
-معرفش شهيرة، متردد ممكن كوثر بتقول الحق
استقطبت ملامحها وسألته بجدية
-ايه ال بتقوله !!..لا طبعا انا مش موافقة على كلامك دا، ماكل مرة الراجل يتحبس ويخرج تاني

تنهد بصوت عالي، ثم رفع عيناه يحاورها
-تفتكري يكون اشاعات فعلا..دنت منه تلمس على وجنتيه مرة وعلى خصلاته مرة ثم أردفت:
-دي فرصة عشان اسمك يكبر حبيبي، سيبك من كلام كوثر، انت تايه عنها طول عمرها بتاعة شعارات

حك ذقنه ونظر إليها بشرود
– طيب هاني، هاني لو عرف هيزعل وممكن نقاطع بعض
ربتت على كفيه قائلة:
– فكر في نفسك وبس وازاي تكسب القضية، محدش بينفع حد حاليا
– تفتكري ممكن اكسب القضية دي
نهضت وهي تناوله الفواكه
-طبعا هتكسبها، هو انت شوية ولا إيه
جذبها بقوة يحاوطها ناظرا إليها بمكر
-أكيد هكسبها ياحبي طول ماانتِ بتساعديني..نهض وسحب كفيها
-تعالي عشان أقولك ازاي هنكسب القضية
تعاقبت الأيام والشهور إلى أن جاء اليوم الذي قلبت حياة كوثر رأسًا على عقب

ذات مساءً..كانت تجلس تلاعب أطفالها، رهف الذي تبلغ من العمر عشر سنوات ومروان سنتين استمعت إلى رنين جرس الباب، ولجت إليها العاملة
-فيه واحد برة بيسأل عن الأستاذ ياهانم
قطبت مابين جبينها متسائلة:
-مين دا ؟!
-اسمه هاني القاضي..نهضت وهي تشير إلى إسدالها
-طب هاتي الٱسدال، وروحي شوفي يشرب إيه

خرجت بعد دقائق معدودة
-اهلاً استاذ هاني..نصب عوده
-أهلًا مدام كوثر، بحاول أتصل بيه مبيردش
-فيه حاجة ولا إيه؟!تسائلت بها كوثر
-يعني هو مش موجود، البنت السكرتيرة قالت إنه في البيت، بيحتفل مع مراته عشان القضية
-قضية!!..تسائلت بها كوثر..امسك هاتفه وحاول الأتصال به
-أيوة يافندم..وصليني ضروري بالأستاذ مالك يابنتي محتاجه ضروري
أجابته السكرتيرة التي تجلس مع خطيبها
-حضرتك هو في بيته التاني شقة مدام شهيرة
جحظت أعين كوثر، وتسائلت بلسان ثقيل:
-هي قصدها مين..حمحم هاني عندما وجد شحوب كوثر
-أنا بسأل عن مالك المحلاوي!!
-يااستاذ هاني الأستاذ مالك في بيته التاني ال حضرتك عارفه، هو قالي لو حاجة ضرورية اعرفك
شهقت واضعة كفيها فوق فمها متراجعة للخلف بحدقتين متسعتين، تشعر وكأن أحدهم طعنها بآله حادة بصميم قلبها
-مالك متجوز صحبتي!!أغلق هاني هاتفه، وتوقف بصمت للحظات ، ولكن نظراتها المتوسلة له تريد تكذيب ما استمعت إليه
-أنا مكنتش اعرف ياكوثر، انا كنت جاي اعاتبه
-تعاتبه!!..تعاتبه على ايه ياعز؟!
لحظات من الصمت المقتول ثم رفع نظره قائلا:
-عايز اعرف ليه خان العيش والملح ال بينا، وازاي اتغير واتحول لشخص انا معرفوش

تنهيدات متألمة تخرج من بين شفتيها غير مستوعبة مايدور حولها، فتسائلت بلسان ثقيل:
-ليه هو عمل ايه؟!
-بعت ناس وسرقوا ورق القضية عشان يكسب قضية صفاء الزيني، جوزك خان العيش والملح ياكوثر، وانا مش هسامحه
قالها وتحرك للخارج، نهضت تنادي على العاملة
-خلي بالك من الولاد، نص ساعة وراجعة
-قامت بتغير ثيابها بحالة رثة،فكان جسدها يرتعش، تكذب كل مايؤل إليه عقلها
-صديقتها وزوجها، لا ..لا
استقلت سيارتها متجهة سريعا إلى شقة صديقتها،
عند شهيرة ومالك
كانت تعد حفلة خاصة، بمناسبة كسبه تلك القضية التي شجعته عليها ، وصلت كوثر، وبأنامل مرتعشة ضغطت على جرس المنزل
استمعت إلى صوت الموسيقى بالداخل ..
بالداخل قبل قليل
كانت ترتدي فستانا عاريا لا يستر شيئا، وبدأت تتمايل على نغمات الموسيقى، بحركاتها الأنثوية المغرية
نهض وحاوطها من خصرها وبدأ يتمايل معها إلى أن انتهت الموسيقى
احتضن وجهها قائلًا:
-شكرا شهيرة، أنتِ ليكي النصيب الأكبر في القضية، من بكرة هتلاقي مليون جنيه في حسابك..حاوطت عنقه وتحدثت بدلال:
-حبيبي ياملوكتي، كفاية وجودك جنبي..جذبها بقوة ثم تحدث غامزا
-ايه مش هتباركي لجوزك ياحبيبي
بتر حديثهم صوت رنين الجرس..اتجهت إلى الباب، جذبها بقوة
-اتجننتي هتخرجي كدا..أشارت على الباب قائلة:
-أكيد الدليفري ياحبيبي..حاوطها بقوة قائلًا:
-الدليفري دا مش راجل ولا إيه
حاوطت عنقه ودنت تطبع قبلة على وجنتيه
-بتغير عليا يامالك..ضغط على خصرها بقوة
-اتجننتي شهيرة، إنتِ مراتي
فتح الباب وعلى وجهه ابتسامة، نظر بذهول للواقفة وعيناها تلتمع بالدموع
ارتجف جسده، وابتلع ريقه بصعوبة، عندما شعر بسقوط قلبه بين اضلعه فتحدث بتقطع
-كو..ثر..حاولت التظاهر بالقوة أمامه، رغم شعورها بانهيارها الداخلي، دفعته ودلفت للداخل وهي تستمع الى صوت صديقتها
-أنا غيرت الموسيقى ياحبيبي لازم أرقص وابسطك الليلة، هو احنا كل يوم هنكسب قضية كدا
ورغم ظهورها بالقوة إلا أن الوجع ارتسم على وجهها، بعينين هالكتين وقلب فتت الوجع أضلعه..اقتربت قائلة بنبرة شجية:
-إنتِ أقرب صاحبة ليا، ثم استدارت للذي يقف كأن فوق رأسه الطير
-طب ليه!!
عملت ايه لدا كله، نفسي اعرف قصرت معاك في إيه
حاولت السيطرة على عبراتها التي تساقطت رغما عنها، هزت رأسها بحزن ووجع بآن واحد
-طلقني يامالك!!..مايشرفنيش اكون على ذمة خائن زيك، نجحت في تسديد هدف قاتل ثم تحركت بخطوات متعثرة، تحاول أن تسيطر على ضعف قوتها الواهية أمامهما
تحرك مالك خلفها سريعا
-كوثر!!..وضعت كفيها أمامه
-إياك تقرب، سمعتني ولا أسمعك ..قالتها بأنفعال طال كل ذرة بجسدها، ثم رمقت صديقتها التي توقفت تطالعها بحزن
-كوثر لازم تسمعينا لو سمحتي..خرجت طفلتهما
-ماما عايزة أشرب..ارتجف جسدها بالكامل وهي تشير إلى ابنتهم التي تبدو أكبر من رهف
-بنتكوا، انت متجوزها قبلي، يعني خدعتني، اتجوزتني وانت متجوز، طب ليه، عملت فيك إيه
لم يعد لديها قوة ، فهناك شعور قاسي بداخلها، يقترس روحها دون رحمة، استدارت تطالع البنت التي تشبست بأرجل والدتها
دمعة غادرة انبثقت من عينيها عندما شعرت بأن حياتها كانت كذبة مع ذاك الذي أعطته قلبها وحياتها بالكامل
أمسك كتفيها
-كوثر!!
شعرت بصاعقة بلمسته فتراجعت للخلف
-ابعد، إياك تقرب، ابعتلي ورقة طلاقي وعيش مع مراتك وبنتك، ثم رفعت نظرها لصديقتها
-النهاردة اتأكدت إنك اكبر قلم في حياتي، مبروك عليكي، بس لو عرفتيني عمري ماكنت اقرب منه
جذبها مالك من كفيها:
-كوثر تعالي لازم نتكلم
صفعة قوية على وجهه، ثم صاحت بقلب فتتته الخيانة
-إياك تلمسني ياخاين، دنت منه ونظرت بنيران غضبها
-لو راجل طلقني يامالك!!
قالتها ونزعت ذراعيها منه بغضب وتحركت سريعا للخارج

وصلت بعد قليل إلى منزلها، بجسد مليئ بالثقوب والندوب من رجل عشقته بكل كيانها
اتجهت إلى أطفالها الذين ينعمون بنومهم
رفعت نظرها إلى مربية أطفالها التي تعتبرها كصديقة
-حورية جهزي هدوم الولاد هنمشي من هنا
جلست بجوارها
-مالك ياكوثر، وايه الدموع دي؟!
شهقت ببكاء وانهارت تماما
-طلع بيخوني ياحورية، ومتجوز ومخلف كمان
صدمة بذهول لصديقتها الحنونة..رفعت وجهها واحتضنته
-حبيبتي ممكن يكون فيه لبس في الموضوع، مين قالك كدا
هزت رأسها تمسح دموعها، وابتلعت غصة آلامها التي تبدو بطعم العلقم قائلة:
-لازم نمشي مش طايقة المكان دا ياحورية، لو سمحتي
استمعت إلى إغلاق باب منزلها، علمت برجوعه، أزالت عبراتها واتجهت الى غرفتها سريعا بعدما قالت لمربية اولادها
-جهزي الولاد بسرعة، وأنا هجهز حاجتي
ولج الى غرفتهما، وجدها تجمع اشيائها
توقف أمامها يمسك كتفها
-كوثر اسمعيني
تصلب جسدها وكأن خنجرًا يدق بمنتصف قلبها ، أزاحت حزنها ووقفت بشموخها:
-طلقني دا ال عايزة اسمعه، قالتها واتجهت تجمع أشيائها بالحقيبة
-أنا هسيبك تهدي وبعد كدا نتكلم، قالها وتحرك للخارج
هوت على فراشها وبكت بنشيج
عند مالك اتجه سريعا الى هاني، ولج الى مكتبه بنيران
-مين ال عرف كوثر اني متجوز، توقف هاني يضع كفيه بجيب بنطاله وابتسامة سخرية على وجهه
-كان لازم اعرف ال يخون مراته يخون صديق عمره، انحنى بجسده ينظر بمقلتيه
-أنا ال فوقتها من واحد ندل ذيك، ومبروك القضية الفاسدة ال كسبتها بخيانة صاحبك، ومن اللحظة دي انت من طريق وأنا من طريق وإياك تقرب مني
تعاقبت الشهور وانفصلت كوثر عن مالك بعد الكثير من المناوشات والقضايا، توقف هاني بجوارها حتى انفصلت عن زوجها كاملا
مرت الحياة هادئة بينهم بعض الشئ لبعض السنوات إلى أن فاقت على كارثة أدت إلى انهيارها بعدما أشاعت شهيرة بوجود علاقة بين كوثر وهاني ، الأمر الذي أصاب مالك بالجنون وأخذ مروان منها عنوة بالتهديد والسب بشرفها، ولم يكتفي بذلك، فلقد تربص لهاني بجميع أعماله وأساء لعمله بالمحاماه وتلفيق الكثير من القضايا التي قضت على سمعته مما أصيب بأزمة قلبية أدت إلى موته
خرجت من شرودها بعدما

وصلت العاملة
-القهوة يامدام..استدارت إليها وهي تعقد ذراعيها على صدرها قائلة:
-لمي حاجتك انا استغنيت عنك
نظرت إليها العاملة بذهول، وارتبكت قائلة:
-ليه يامدام عملت ايه؟!
أشارت بكفيها للخروج
-مش عايزة كلام كتير، روحي اشتغلي عند ال بعتينك تتجسسي عليا
جلست كوثر وتناولت فنجان قهوتها مسترسلة حديثها:
-متخلنيش اتصل بالشرطة، امشي من قدامي..خرجت سريعا متجه إلى مالك بالخارج
-المدام طردتني ياباشا…قطب جبينه متسائلا:
-طردتك ليه..فركت كفيها وهزت أكتافها بعدم معرفة
تأفف بغضب ثم أشار لها
-طب روحي انتِ، وانا هتكلم معاها
تقدم إليها بملامح غاضبة، ورغم غضبه ، توقف يطالعها بهدوء:
-ليه طردتي كامليا ..ابتسمت بسخرية قائلة:
-لحقت تجري عليك وتشتكي لك
رفعت فنجانها وارتشفت منه وهي تنظر إلى النيل واجابته:
-خدها البيت التاني ولا المدام هتزعل هي كمان..قالتها وتوقفت تطالعه بغموض
-بيتي أنا حرة فيه، اشغل ال يعجبني محدش له يحاسبني، ومتفكرش انك جوزي يامالك باشا، انت هنا عشان الولاد وعشان ابني ال هددتني بيه، غير كدا مش متحملة أشوف وشك قدامي

“بقلم سيلا وليد ”

قالتها وتحركت متجهة إلى الداخل
بالمشفى عند رهف
دلفت إلى غرفة أحد النزلاء
-جدو عثمان ياترى اخبار صحتك إيه
ابتسم لها بمحبة ثم أشار بكفيه
-ازيك يابنتي عاملة ايه..؟!
طالعت ملفه وتحدثت:
-لا عال العال ياجدو النهاردة ، وهندخل العملية وكلنا ثقة ..ابتسم لها وأجابها
-ربنا يبارك فيكي يابنتي

دلف بهيبته الرجولية الجذابة، رمقها سريعا عندما وجدها تجلس بجواره، كأنه من أقاربها
تجاهلها ثم اتجه الى جده، رفع كف جده المجعد إلى شفتيه يقبله، فهو قوته ومصدر أمانه بعد وفاة والده، ومثله الأعلى الذي ينشده بحياته
رفع رأسه وطبع قبلة عميقة على جبينه:

-صباح الفل ياعثمان باشا
اومأ برأسه دون حديث..ثم رفع بصره إلى رهف
-متتأخريش عليا، امبارح معدتيش عليا، معرفش ليه مبقتيش تيجي زي الاول
رمقت ذاك الواقف يطالعها بغموض ثم أجابته:
-حالتك استلمتها دكتورة دنيا، وكل لما الاقي نفسي فاضية هعدي عليك ..قالتها وتحركت للخارج ولكنها توقفت عندما أقترب منها بعواصف غضبه التي تطيح بكل ما يقابله بعدما تذكرها:
-استني عندك!!
زفرت بملل ثم استدارت
-انا هنا دكتورة مش من شغالين معاليك..لما تحب تكلمني توقف قدامي بكل إحترام ..بعد إذنك ياحضرة قليل الذوق ..قالتها وتحركت من أمامه تأكل خطوايها الأرض..حدجها بذهول من ردها الشرس، حتى تلاحقت أنفاسه التي كانت حارقة من شدة غضبه من تلك الحمقاء
-انت السبب أنها تبعد عني مش كدا
اتجه إلى جده وأردف:
-محبتهاش ياباشا، تحسها باردة وبتدخل في مالا يعنيها
أفلت جده ضحكة مؤلمة يهز رأسه رافضا معاملته فتحدث:
-يابني هتفضل طول عمرك كدا، متكنش قاسي كدا، خليك بطبيعتك يابني، بلاش تخدع ال قدامك بقساوة قلبك، قسوة القلب بتموته ياحبيبي
جلس بمقابلته يضع ساقا فوق الأخرى وتحدث
-الستات كلها مقرفة ياجدي، متحاولش تقنعني، وبعدين البنت دي اعرفها من زمان وزي غيرها
هز رأسه رافضا حديثه:
-مش معنى تجربة فاشلة يبقى الكل زي بعضه يابدر
رفع جانب وجهه بإبتسامة ساخرة
-أيوة فعلا، ازاي اساوي بتجربة فاشلة
نهض ثم سحب نفسا وأخرجه على عدة مرات
-خلي بالك من صحتك وان شاءالله هفكر في كلامك
امتعض وجهه من هروب حفيده كعادته فأردف برجاء:
-بدر أنا مرتاح مع رهف، لو سمحت يابني بلاش الدكتور البارد ال شبهك دا
لوى فمه بإبتسامة عابثة ثم أردف :
-هو ايه الموضوع ياجدو، شكل البنت عجباك ولا إيه
تراجع عثمان بجسده للخلف
-اه عجباني، ولما أخف هتجوزها، امشي انت مش وراك شغل

تحرك مغادرا إلى طبيبه الخاص دلف إليه:
-اهلا أستاذ بدر قالها الطبيب بعملية
جلس أمامه وتساءل:
-جدو أخباره ايه ، حضرتك قولت العملية خلال اسبوعين
-جدك كويس جدا والحمد لله التحاليل بتبين مفيش مشاكل للعملية، والدكتور ال حضرتك طلبته هيكون موجود قبل العميلة بيوم

بقلم سيلا وليد

توقف وأشار بيديه:
-جدي تحت رعايتك شخصيا، حضرتك المسؤل قدامي،
توقف الطبيب وتحدث مقنعا إياه
-استاذ بدر جدك كان مرتاح مع دكتورة رهف، حالته اتدهورت تاني بعد ماحضرتك أصريت أنها متقربش منه
كور قبضته يضغط على نواجزه وتحدث من بين أسنانه:
-بنت مالك المحلاوي مستحيل تقرب من جدي، سمعتني ولا لا..وخلص مع الدكتور، بدل التحاليل كويسة يبقى نعمل العملية

تحرك متجها للخارج وجدها تقف مع أحد الأطباء وضحكاتها تنير وجهها .. ابتسم شبه ابتسامة بسخرية قائلًا:
-قولتلك ياجدي مفيش ست تستاهل، تذكر منذ شهر عندما خرج من عند جده وطلب من أحد امنه التأكد أنها بنت مالك المحلاوي..استمع رنين هاتفه:
-أيوة يابني ..أجابه على الجانب الآخر
-اسمها رهف ..عايشة مع والدتها في العاصمة الجديدة، عندها اخ فاشل في حاسبات ومعلومات، ابوها متجوز من شهيرة العيسوي ابنة رجل الأعمال، لسة راجعين من لندن من خمس شهور، بقالهم عشرين سنة برة البلد
تأفف بضيق وتحدث:
-هي بنت مالك المحلاوي
اجابه
-أيوة ياافندم، دي مراته الأولى بس مراته معجبهاش أفعاله عشان كدا بعدت بولادها، هو اخد منها الولد كام سنة وبعد كدا الولد رجعله
ضيق عيناه ونظر للبعيد بشرود مردفاً:
-يعني إنت رهف بنت مالك المحلاوي، رغم تغير بعض ملامحها، ولكنه شك بها
-أغلق هاتفه وشعر نيران مستعيرة تحرق جسده بالكامل..كور قبضته حتى كاد أن يمزق أوردته
– تلف الايام وترجعيلي يارهف، لكن للأسف المرة دي المعاملة بينا هتتغير، ياترى ليه المستشفى دي بالذات اللي شغالة فيها يارب متكونيش رهف بنت المحلاوي فعلا ، يعني بتحملي دم أبوكي الفاسد.. ذهب بشرود لشيئا ما ثم هتف
-جيت تحت ضرسي يامالك يامحلاوي
تذكر منذ أسبوع عندما دلف الى جده وجدها تجلس معه وضحكاتها بالارتفاع ، هو يعلم أنها طبيبته الخاصة
-جدي عامل ايه؟!
أجابته دون النظر إليه
-لا عثمان بيه حالته عال العال وهيدخل العملية وان شاءالله يطلعنا شاب ، مش كدا ياجدو..استمعت إلى الإغاثة باسمها
-دكتورة رهف المحلاوي ، الرجاء الحضور للأستقبال
خرجت سريعا بعدما تحدثت:
-بعد إذنك ياجدو،فيه طوارئ هعدي عليك بعد مااخلص
راقب تحركها للخارج وهو يردد اسمها
-رهف المحلاوي..قالها وتحرك للخارج، متجها إلى غرفة طبيب جده
-عايز أغير الدكتورة ال اسمها رهف دي
-بس رهف شاطرة وكمان المرضى بيحبوها، غير علاقتها مع جدك كويسة جدا
ضرب على مكتبه وهتف بصوته الغاضب:
-قولت غير الدكتورة دي من غير كلام ..قالها وتحرك للخارج حتى وصل إلى سيارته وجد كريم صديقه يترجل من سيارته

-بدر واقف كدا ليه؟!
وضع كفيه بخصره محاولا السيطرة على أنفاسه
-بنت المحلاوي دكتورة لجدي

قطب جبينه وتسائل:
-مين دي
لكم إطار السيارة بقدمه
-الدكتورة ال اسمها رهف دكتورة جدي
تسارعت أنفاسه وأشار بكفيه
-دي لو ناوية على حاجة رهف المحلاوي، رجعت ياكريم من السفر، واول ماحبت تلعب معايا قربت من جدي

تسارعت أنفاسه وأشار بكفيه

-دي لو ناوية على حاجة مش هرحمها لو حاولت تقرب من جدي، اقسم بالله اولع فيهم كلهم كفاية بابا

اتمنى تنال إعجابكم

فووووت ياحلوين

الفصل الثاني
بالأمس كنت ذكيًا فأردت أن أُغيّر العالم، اليوم أنا حكيم ولذلك سأُغيّر نفسي. اظهر كما أنت، وكن كما تظهر.
جلال الدين الرومي

بفيلا مالك المحلاوي، هبطت درجات السلم بخيلاء
-انتِ يازفتة..هرولت العاملة
-نعم ياشهيرةهانم
جهزي غدا النهاردة كويس عشان عندنا ضيوف، مش عايزة غلطة، ثم أشارت على الدرج:
روحي صحي انجي هانم ، وحضريلها الحمام
اتجهت العاملة دلفت إلى غرفة تتميز بالطابع الأنثوي
-انجي هانم اصحي الساعة خمسة العصر..جذبت انجي الغطاء وصرخت بها
-اطلعي برة يازفتة، مش قايمة
-شهيرة هانم طلبت حضرتك تجهزي عشان عندنا ضيوف
على الغدا..ألقت الغطاء وتأففت بضجر
-طيب جهزي الحمام ..بعد فترة هبطت إلى الأسفل وجدت والدتها تجلس مع إحدى صديقاتها
-هاي مامي ..ابتسمت بفخر
-صباح الياسمين يانوجة
اتجهت صديقاتها التي تدعى سهام
-كبرت انجي ياشهيرة..ارتشفت شهيرة عصيرها وهي تنظر لابنتها،
– ايه رأيك فيها يا سهام
-طبعا هو فيه في حلاوة انجي
لفت انجي خصلاتها حول اصبعها وطالعت سهام قائلة بتكبر:
-أوف كورس ياانطي، مفيش حد في جمال انجي المحلاوي ..قالتها بفخر

رسمت ابتسامة على وجهها ثم أردفت :
-حقيقي ال سمعته دا، أن بدر القاضي معزوم في حفلة النادي
ثم أكملت سهام بخبث:
-طبعا العلاقة تقوى بقربه من إنجي..قوست شهيرة فمها وأجابتها :
-بس علاقته تتصلح الأول مع ابو انجي ..وضعت الكاس على المنضدة وهي تلوح بكفيها:
-هو بدر يقدر يقاوم جمال انجي ، حاولي بس تقربيهم من بعض…كانت انجي تراقب حديثهما وعقلها يعمل على خطهها بكيفية جذبه إليها، قطع شرودها حديث والدتها

-بس بدر مش بتاع ستات، خصوصا بعد طلاقه من مراته، ومتنسيش أنه كان برة البلد ومرجعش غير قريب، يعني ممكن يكون له علاقات هناك
ربتت كفيها على ساقيها وأجابتها :
-لا بدر مالوش علاقات، متنسيش أنه صديق وشريك ابن ابتسام، كريم وكل أخباره عندي
-هو رجع لما جده طلب منه، من بعد وفاة والده وهو ساب المحاماة وفتح معرض مع كريم وكمان دار نجحت جدا
نظرت إلى انجي واستأنفت -بدر كان بيجي كل فترة يتابع اعماله هنا، لسة مكتب هاني مفتوح وهو بيتابع، وكمان جده، يعني لو اتجوز كنت عرفت،هومش هيفضل طول عمره منفصل ياشهيرة وبنتك حلوة، حاولي تظبطي الموضوع الراجل مش عارف عدد فلوسه
غير إنه لازم يكون له وريث ولا إيه
رسمت ابتسامة على وجهها
-متعرفيش أن مالك مستحيل يوافق على حاجة زي كدا
وضعت صديقتها الكوب وأردفت بإقناع :
-بدر بقى غني جدا، خصوصا بعد رجوع جده من أمريكا، بيقولوا جده دا غني جدا، وكمان شهرة بدر ككاتب، لو مالك عرف الثروة ال تحت ايده عمره مايفكر غير ازاي يلفته له، وينسى الماضي، لازم تقنعيه بكدا
استمعت شهيرة إليها بإهتمام، وهزت رأسها بتفكير
-بعدين اشوف الموضوع دا

بمكتب بدر دلف إليه أحد أصدقائه يدعى كريم وهو صديقه المقرب
-صباح الخير يابدر..تراجع بجسده وأشار بكفيه
-صباح الخير ياكريم، ايه الأخبار!!
-الحمد لله ياسيدي الدار الجديدة مولعة الدنيا وعليها إقبال كبير جدا

ابتسم بفخر على صديق عمره اتجه كريم يحادث السكرتيرة
-عايز واحد قهوة على الريحة يانانسي لو سمحتي
-حاضر يااستاذ كريم
-مش ناوي ترجع المكتب تاني ولا إيه
نظر إلى قلمه ثم رفع نظره الى صديقه متنهدا
-مبقتش حابب الشغل دا، وبعدين المحامين شغالين حلو أوي
اتجه كريم وجذب المقعد بجواره:
-متنساش المكتب دا كان بتاع والدك قبلك، وسمعته كانت مسمعة الدنيا كلها، سحب نفسا ثم زفره على دفع وتحدث:
-عارف انك زعلان على ال حصل، صمت للحظات يحاول تجاوز ذكرياته المأسوية، ثم أردف :
-مالوش داعي نقلب في القديم ياكريم..أنا مرتاح في مجال عملي دا، والحمد لله خمس سنين بقيت من أشهر الكتاب في البلد، وحققت نجاح في كُتاب كتير بقالهم سنين مش حققوه
دلفت السكرتيرة بالقهوة ثم تحدثت:
-استاذة لميس عايزة تقابل حضرتك ياافندم
جز على شفتيه بغضب، ناظرا إلى كريم
-دي ايه ال جابها وعايزة ايه..ابتسم كريم ناظرا لسكرتيرة
-خليها تدخل يانانسي، ومدخليش حد تاني، وجهزي الأجتماع بعد ساعة
تمام يافندم..دلفت لميس بعد لحظات من خروج السكرتيرة
-اذيك يابدر، ممكن أعرف مبتردش على تليفوناتي ليه، رجعت من اسبوعين وماتصلتش وخالتو قالت انك هتيجي
نهض كريم وأشار إليها على المقعد
-اتفضلي مدام لميس، ثم اتجه الى بدر الذي قام بإشعال سيجاره
-بدر الصراحة كان مشغول وعنده إجتماع بعد نص ساعة
جلست تضع ساقا فوق الأخرى
-لا ياكريم صاحبك مش عايز يكلمني ..نفث سيجاره ثم أردف:
-لما إنتِ عارفة كدا جيتي ليه يابنت خالتي، قالها وهو يرمقها ساخرا
نهضت وانحنت تضرب بكفيها على المكتب
-جاية عايزة آخرة ال بتعمله ايه يابدر، هتفضل كدا، قولتلك عايزين نرجع لبعض تاني، وقولت لك مش عارفة اعيش من غيرك، خمس سنين وانت بتعاقبني
تحرك كريم خارجا وهو يطالعه بهدوء ويشير بيديه أن يهدأ
نهض وتحرك إلى النافذة، وبدأ ينظر إلى الخارج بهدوء رغم نيرانه من تلك الرقطاء فتحدث وهو مواليها ظهره
-مبقاش بينا حاجة يالميس،غير أنك بنت خالتي،أما كلام خالتك ماليش دعوة بيه، مش بدر القاضي ال يرجع لحاجة رماها بعد مازهق منها
تحركت واتجهت إليه
-بدر ليه بتعمل كدا ؟!
انا اعتذرتلك كتير، ليه مُصر انك تعاقبني طول العمر على غلطة غصب عني
استدار وضيق عيناه، ثم تحدث ساخرا
-نعم..غلطة غصب عنك، لما تستغفليني وتروحي تسقطي ابني من غير مااعرف بوجوده دي غلطة غصب عنك
اتجه ودنى إليها بخطى سلحفية ودار حولها ثم نظر بعلامة تفكير
-تصدقي ممكن برضو يكون غصب عنك، هنعتبر مااخدتيش علاج يسقط الجنين، وهعتبر انك مرحتيش عملتي العملية، بس سرقتك لملفات القضية وضياع حق ابويا دا برضو غلطة
دنت وامسكت كفيه وبكت
-والله غصب عني يابدر، هم هددوني ..بتر حديثها عندما رفع سبابته واظلمت عيناه قائلا:
-اخرصي، مش عايز أسمع نفسك، وإلا هنسى انك ست، أشار على باب المكتب وأردف:
-برة مش فاضي، وعرفي مامتك أن بدر صفحة وانقطعت وال بيتقطع مينفعش يرجع تاني، دنى يهمس بجوار أذنيها
-أنا هتجوز، بس مش هتجوزك إنتِ يابنت خالتي، هتجوز واحدة تشيل اسم القاضي
اشتعلت نظراتها بشكل مخيف، واتجهت تنظر إليه بغضب هاتفة بنبرة حادة:
-طب اعملها كدا يابدر وشوف هعمل فيك ايه
تحركت متجهة للخارج ولكنه أوقفها حينما قال
-لو طلعتي قدامي مرة تانية هنسى القرابة ال بينا
اتجهت إليه مرة أخرى، دنت منه حتى لم يفصل بينهما انش واحد وتحدثت:
-خليك وحيد طول عمرك كدا يابدر، وحياة حبي ليك لأدوس عليك، ومش بس كدا، هتجوز وهعرفك انك انسان مريض بحب الغرور
دنت أكثر حتى تلامست شفتيها أذنه وأردفت:
-خلي الناس تقول أن بدر القاضي مراته الأولى فضلت عليه سواقه، والتانية رفضت يربطها به اطفال، اصلك متستهلش، ومش هتلاقي اللي تحبك زي ماحبيتك
تراجعت خطوة للخلف تنظر إليه بإنتصار عندما وجدت تغير ملامحه التي شحبت وتحولت عيناه للون الأحمر
أشار على الباب عندما فقد إتزانه قائلاً:
-برة ياحيوانة، مش عايز اشوف وشك
لحظات عصيبة مرت عليه، محاولا السيطرة على أعصابه حتى لا يدمر كل ما يقابله
ظل فترة جالسا يحرق تبغه كنيران صدره التي ألهبتها تلك الشمطاء..كور قبضته حتى برزت عروقه، ثم أغمض عيناه وماضيه يطارده بعنف ..
فلاش باك
منذ عشر سنوات
دلف إلى مكتب والده
-صباح الخير ياحضرة الدكتور هاني القاضي
رفع والده رأسه مبتسما
-صباح الخير ياحضرة المحامي المبتدئ..رفع جانب وجهه بإبتسامة متهكمة
-لا ياوالدي العزيز، ابنك مش مبتدئ ولا حاجة، ابنك مشهور بس حضرتك خايف على سمعتك
قهقه عليه والده، ثم توقف واتجه يجلس بمقابلته
-طيب قولي ياحضرة المحامي المشهور عملت ايه في قضية المنشاوي
تراجع بجسده للخلف:
-لا ياباشا سامحني في دي الشغل اسرار، ليك تاخد البراءة مش كدا ولا إيه
ربت والده على كتفه
-ربنا يوفقك ياحبيبي ودايما اشوفك ناجح واسمك مشهور في كل مكان
صمت للحظات ثم سأله
-مش ناوي تعمل الفرح ولا إيه، بقالكم فترة مخطوبين ياابني
حمحم بخفوت ثم أجاب والده بصوته الرزين
-دعاء آخر سنة يابابا، مستني تخلص امتحاناتها، وكمان متنساش عمو هشام مسافر، وهي مع والدتها دلوقتي
اومأ والده بتفهم ثم تحدث:
-طيب كلم هشام وخليه ينزل على نهاية امتحاناتها وبعد كدا نعملكم الفرح
نهض بدر قائلًا:
-اكيد يابابا إن شاء، دلوقتي عندي كام حاجة كدا هوثقها وبعد كدا هروح لماما، ارجعها البيت وبطلوا شغل العيال دا حضرة المستشار انتوا كبرتوا
هز رأسه رافضا أفعال والدته
-والدتك هي ال بتخلق مشاكل من تحت الأرض وكل شوية تقول رؤف جوز اختي عمل ورؤف جاب، وبقى مشهور مع ان مستوانا ممتاز لكن معرفش والدتك عايزة توصل لأيه
-معلش يابابا حاول تتحملها شوية، مش حلو في حقكم كل شوية تروح تقعد عند خالتو كدا، وياسيدي غيرلها العربية، ماهو الباشا عنده رصيد حلو برضو
نهض هاني ووقف أمامه
-مش موضوع تغيير عربية ياحبيبي، موضوع ال بتعمله حرام، عربيتها مكملتش خمس شهور، ليه تبص لأختها في كل حاجة